Kaup á ráðgjöf

Leiðbeiningarrit um kaup á ráðgjöf

Fjármálaráðuneytið, í samstarfi við Vegagerðina, Landsvirkjun, Framkvæmdasýslu ríkisins, Félag sjálfstætt starfandi arkitekta og Félag ráðgjafarverkfræðinga, gaf í maí 2002 út ritið Kaup á ráðgjöf. Í ritinu eru settar fram leiðbeiningar er varða undirbúning, framkvæmd og mat á vali á ráðgjöfum. Unnið hefur verið að því að samræma hugtaka- og orðanotkun milli mismunandi verkkaupa ásamt því að lagðar eru fram hugmyndir um áherslur við val á ráðgjafa, t.a.m. við mat á tilboðum. Megináhersla er lögð á þá tegund ráðgjafar er nýtist við opinberar framkvæmdir. Aðferðafræðin, sem mótuð er í ritinu, getur einnig verið gagnleg við undirbúning og framkvæmd við val á annars konar ráðgjöf, t.a.m. í tengslum við hugbúnað og lögfræðileg málefni.

Ritið skiptist niður í eftirfarandi þætti:

• Markmið með leiðbeiningunum.
• Undirbúningur verkkaupa.
• Aðferðir við val á ráðgjöfum.
• Opnun tilboða – samningur við ráðgjafa.
• Skilamat.
• Töflur og tilvísanir (PDF 85K).