Framkvæmd fjárlaga

Í kjölfar nýrrar reglugerðar um framkvæmd fjárlaga hefur efni á stjórnendavefnum sem tengist framkvæmdinni verið uppfært. Ýmislegt hefur breyst og þróast frá því að handbók um framkvæmd fjárlaga var gefin út í árslok 2001. Þar kemur bæði til áherslubreytingar sem er að finna í nýju reglugerðinni sem og breytt verklag í tengslum við innleiðingu á nýjum fjárhags- og mannauðskerfum hjá ríkinu.

Nokkrir lykilþættir er stjórnendur verða að huga að:

• Tímasetningar við að svara erindum og áætlunum stofnana
• Verkaskipting milli ráðuneyta og stofnana
• Hvernig best er að haga eftirfylgni ráðuneyta innan ársins
• Úrræði sem eru til staðar ef almenn eftirfylgni reynist ófullnægjandi
• Verkaskipting - hver er ábyrgð forstöðumanns við framkvæmd fjárlaga
• Verklag við áætlanagerð